متجر على منصة جاهزة ولا متجر مخصص؟ وش يناسب مشروعك
إذا تفكر تفتح متجر إلكتروني، أول سؤال بيواجهك: أفتح متجري على منصة جاهزة، ولا أبرمج متجر خاص من الصفر؟ الجواب يعتمد على مرحلة مشروعك وطريقة بيعك
المتجر على منصة جاهزة
منصات مثل سلة تعطيك متجر شغال بسرعة: بوابات دفع، شركات شحن، لوحة تحكم، وتطبيقات إضافية
يناسبك إذا:
- تبي تبدأ بسرعة وتختبر السوق
- منتجاتك وطريقة بيعك معتادة: سلة، دفع، شحن
- تبي تكلفة بداية أقل وصيانة أقل
والفرق هنا يصنعه التجهيز: الهوية، صور المنتجات، أوصاف واضحة، وتجربة شراء سهلة. متجر على منصة جاهزة متجهز صح يبيع أحسن من متجر مخصص مهمل
المتجر المخصص
متجر مبرمج على مقاس شغلك، تتحكم في كل تفصيلة فيه
يناسبك إذا:
- عندك طريقة بيع خاصة: اشتراكات، تسعير حسب الطلب، حجوزات مع منتجات، بيع للشركات بأسعار مختلفة
- تحتاج ربط مع أنظمة عندك مثل نظام مخزون أو نظام محاسبي أو تطبيق جوال
- حجم مبيعاتك كبير وتبي تجربة مختلفة تميزك
مقارنة سريعة
- سرعة الإطلاق: المنصة الجاهزة أسرع
- تكلفة البداية: المنصة الجاهزة أقل
- المرونة: المخصص أعلى
- الصيانة: المنصة تتكفل فيها، والمخصص يحتاج دعم فني مستمر
- الربط مع أنظمتك: المخصص أسهل وأعمق
نصيحتنا
أغلب المشاريع تبدأ صح على منصة جاهزة متجهزة باحتراف، ولما يكبر البيع وتتضح الاحتياجات الخاصة، ننتقل لمتجر مخصص أو نضيف أنظمة مخصصة حول المتجر
أسئلة شائعة
هل أقدر أنقل متجري من منصة لمتجر مخصص بعدين؟
نعم، يمكن نقل المنتجات والعملاء مع تخطيط صحيح للنقل
هل المتجر على منصة جاهزة يظهر في قوقل؟
نعم، إذا اهتميت بعناوين المنتجات وأوصافها وروابطها
تبي تبدأ؟
في نيكسل NEXEL نجلس معك أول ونفهم شغلك، ونوضح لك الخطوات قبل أي شي، وبعدها نبني الحل اللي يناسبك
تواصل معنا على info@nexel.sa أو واتساب +966 53 723 0859
إضافة تعليق جديد