نظام إدارة العملاء CRM: وش هو وهل شركتك تحتاجه؟
أغلب الشركات في بدايتها تتابع عملاءها في الواتساب وملفات الإكسل وذاكرة الموظفين. وهذا يمشي لين يكبر العدد شوي، وبعدها تبدأ المشاكل: عميل تأخر الرد عليه، عرض سعر نسيه الكل، وموظف طلع وطلعت معه أرقام العملاء
هنا يجي دور نظام إدارة العملاء (CRM)
وش هو نظام CRM؟
نظام إدارة علاقات العملاء هو مكان واحد تحفظ فيه كل شي يخص عملاءك: بياناتهم، تاريخ تعاملهم معك، الطلبات، العروض، المكالمات، والمتابعات الجاية
بدل ما تكون المعلومة في جوال موظف، تصير ملك الشركة وتقدر توصل لها في أي وقت
وش الفرق اللي يسويه في شغلك؟
1. ما يضيع عليك عميل
كل عميل محتمل يدخل النظام، ويتحدد له مسؤول وموعد متابعة، والنظام يذكّر الموظف بنفسه
2. تعرف وين أنت في المبيعات
تشوف كم صفقة في كل مرحلة، كم تحولت لعملاء فعليين، ووين تتوقف أغلب الصفقات
3. خدمة عملاء أسرع
أي موظف يفتح ملف العميل يشوف كل تاريخه، فما يحتاج العميل يعيد قصته كل مرة
4. قرارات مبنية على أرقام
تقارير واضحة: مين أفضل مصدر للعملاء، مين أكثر موظف يقفل صفقات، وكم يجيك دخل من كل خدمة
متى تحتاج شركتك CRM؟
- إذا عندك أكثر من موظف يتعامل مع العملاء
- إذا تجيك طلبات من أكثر من مصدر: واتساب، موقع، اتصال، سوشال ميديا
- إذا صار عندك عملاء محتملين ينسون بدون متابعة
- إذا تبي تعرف أرقام مبيعاتك بدون ما تجمعها يدوي
إذا انطبقت عليك نقطتين أو أكثر، فغالبًا الوقت مناسب
نظام جاهز ولا نظام مخصص؟
الأنظمة الجاهزة تنفع إذا شغلك قريب من الشغل المعتاد. لكن إذا عندك طريقة عمل خاصة، أو تحتاج ربط مع أنظمة ثانية عندك، أو تبي واجهة عربية بسيطة تناسب فريقك، فالنظام المخصص يكون أوفر على المدى الطويل لأنه مبني على طريقة شغلك أنت
أسئلة شائعة
هل CRM للشركات الكبيرة بس؟
لا، الشركات الصغيرة تستفيد منه أكثر أحيانًا، لأن كل عميل عندها له قيمة كبيرة
هل يحتاج فريقي تدريب طويل؟
إذا انبنى النظام بشكل بسيط وعلى طريقة شغلكم، يكون التعلم سريع
هل أقدر أربطه بالواتساب؟
نعم، يمكن ربطه بمنصة واتساب للأعمال لإرسال التذكيرات وتسجيل المحادثات
تبي تبدأ؟
في نيكسل NEXEL نجلس معك أول ونفهم شغلك، ونوضح لك الخطوات قبل أي شي، وبعدها نبني الحل اللي يناسبك
تواصل معنا على info@nexel.sa أو واتساب +966 53 723 0859
إضافة تعليق جديد